<<Արմավիր>> ՔՀԿ-ում փոխվել է կալանավորների սննդակարգը․ 2019թ․-ի հոկտեմբերից ՀՀ քրեակատարողական հիմնարկներում դատապարտյալների եւ կալանավորված անձանց սննդի ապահովումը փորձնական ծրագրով հանձնվել է մրցույթին մասնակցած միակ մասնավոր ընկերությանը։
Պատրաստի սնունդը ներառում է նախաճաշ, ճաշ և ընթրիք (ցանկում՝ հաց):
Նոյեմբերի 1-ին <<Արմավիր>> ՔԿՀ այցելած Արդարադատության նախարար Ռուստամ Բադասյանը փաստում է․ որ կալանավորները նորամուծությունից գոհ են․ եթե նախկինում մի մասը չէր ուտում ՔԿՀ-ում տրվող սնունդը, հիմա սպառումը 100% Է։ Նախարարը լրագրողների հետ զրույցում շեշտում է, որ սա նվազեցնելու է կոռուպցիոն ռիսկերը․ առաջ դատապարտյալների հարազատները սննդամթերքի տեսքով հանձնուկներ էին բերում, որոնց մեջ նաեւ արգելված իրեր էին հայտնաբերվում։
Իսկ այստեղ դատապարտյալները ստեղծագործում են
<<Բերդում ցուցահանդեսներ ենք անում, լինում է, որ վաճառում ենք, բայց հիմնականում նվիրատվություններ ենք անում>>,-ասում է սենյակում մշտապես ստեղծագործող դատապարտյալներից մեկն ու շտապում իր ձեռքի աշխատանքներից մեկն էլ լրագրողներիս նվիրել,-<<հիշատակ մնա մեզանից>>։
Իսկ <<Նուբարաշեն>> ՔԿՀ-ում, ինչպես Ռուստամ Բադասյանը փաստեց, պայմանները շարունակում են անմխիթար լինել։
Այդ կալանավայրի եւ <<Դատապարտյալների հիվանդանոց>>-ի փոխարեն կառավարությունը ցանկանում է 2020թ․-ին նոր ՔԿՀ կառուցել՝ Սիլիկյան թաղամասում․ Արդարադատության նախարարությունում այդ ուղղությամբ նախահաշվարկների մեջ են․․․
Հեղինակ՝ Լուիզա Սուքիասյան/Aravot.am