Կարտիկամ գյուղի դպրոցն ունի պատմության թանգարան։ Թանգարանի ցուցանմուշները տարիներ շարունակ հավաքել են դպրոցի աշակերտները և թանգարանի նախաձեռնող հայոց լեզվի և գրականության ուսուցչուհի Չինար Երանոսյանը։
Տարիների ընթացքում կարտիկամցիները պահպանել են գյուղում մնացած հնությունները և այսօր այդ իրերը իրենց տեղն են գտել վերանորոգված և վերաբացված դպրոցի թանգարանում։
Թանգարանի նախաձեռնող Չինար Երանոսյանը Կարտիամ գյուղի մասին գիրք է գրում "Կարտիկամ Հուշագիր" անունով։
«Գիրքը գրում ենք ապացուցված փասատերի հիման վրա, երբ 1772 թվականին Նուրսուս խանի դեմ կռիվ է մղվել և Կարտիկամցիները տապալել են նրանց խումբը։ Սակայն հետո, ով մնացել է գյուղում գնացել են Էրզրում։ Այնուհետև տեղափոխվել են Արդահանի Վել գյուղ, այնտեղ ապրելով 137 տարի, նորից վերադարձել են Կարտիկամ։ Գյուղի համար ամենագլխավորը դպրոցն է եղել և կա։ Առաջի հայկական դպրոցը բացվել է Մկրտիչ Աթաբեկյանի նախաձեռնությամբ 1881 թվականին»-ասաց Չինար Երանոսյանը ։
Մկրտիչ Աթաբեկյանը ուսուցիչ է եղել , ում նախաձեռնությամբ էլ Ջավախքի տարբեր գյուղերում հայկական դպրոցներ են բացվել։