Bu balaca zovod Suxumda beş il əvvəl açılıb. Şüşəüfürənlər və rəssamlar bütün yolka oyuncaqlarını istisnasız olaraq əllə hazırlayırlar.
Şüşəüfürən yolka şarını şişirəndən sonra onu digər sexə gönndərirlər. Orada şarlar soyuyur və onları rəngləyirlər.
Sonra gələcək yeni il şarları rənglənir və bəzədilir. Bunlar gələcək oyuncaqlardır.
Asidanın tarixçəsi isə qeyri-adidir. O, ixtisasca alman dili müəllimidir. Fabrikə uşaqlar üçün oyuncaq sifariş verməyə gəlib. Sonra isə yolka oyuncaqları üzərində iş prosesi onun üçün o qədər maraqlı olub ki, burada qalmaq qərarı verib.
“Mən öz-özümə öyrənmişəm, həm də iş prosesində”, - Asida deyir. – “İki uşaq anasıyam, elə buna görə də bəzi bacarıqlarım artıq vardı, biz uşaqlarla tez-tez öz əllərimizlə nə isə hazırlayırdıq”.
“Peşəm çox xoşuma gəlir, baxmayaraq ki, biz özümüz buradan yeni il oyuncaqları kimi çıxırıq – tamam zərin içində, yuyunmalı oluruq”, - Asida danışır.
Bu mini sexdə yalnız yeni il oyuncaqları hazırlamırlar, foto həkk olunmuş balışlar, köynəklər, şamlar və bir çox başqa şeylər də istehsal edirlər. Fabrik direktoru Daur Qumbanın sözlərinə görə, bu, çox rentabelli biznesdir. Daur Qumba özü isə ixtisasca tarixçi imiş.
“Sizə belə deyim, hətta kələm yetişdirmək də sərfəlidir, amma hər şey üçün çox işləmək lazımdır. Bəziləri oyuncaq istehsal etmək qərarına gəlir, dəzgahlar alırlar, yarım ildən sonra isə yanıma gəlib, onların bütün texnikasını satın almağı təklif edirlər. Əgər insan özü heç nə edə bilmir və ya etmək istəmirsə, dəzgahlar adi dəmir parçasıdır”, - Daur deyir.
Bayraq və ya gerb rəsmi olan suvenir şarlar daha çox zaman tələb edir və daha baha olur – 700 rubldan [təxminən 12 dollar] başlayaraq və daha yuxarı.
Bu isə ustaların vizit kartıdır – üzərində abxaz Şaxta Baba təsvir olunmuş şar.
Credits:
Stella Adleyba, JAMnews