ქუთაისის მესხიშვილის თეატრში ქართველი მხატვრების ელენე ახვლედიანისა და დავით კაკაბაძის ესკიზები ინახება. ნახატები 1941 და 1947 წელს დადგმული სპექტაკლებისთვის შეიქმნა.
სპექტაკლი „როგორ“ ერთ-ერთია კოტე მარჯანიშვილის ქუთაისში წარმოდგენილი 9 სპექტაკლიდან. რეჟისორმა იგი 1928 წელს დადგა. 1947 წელს კი დოდო ანთაძემ აღადგინა. სპექტაკლის მხატვარი ელენე ახვლედიანი გახლდათ.
დოდო ანთაძესვე ეკუთვნის სპექტაკლი "მეფე ლირი", რომლის დადგმა 1941 წელს განხორციელდა. სპექტაკლის სცენოგრაფი მხატვარი დავით კაკაბაძე გახლდათ.
თეატრში ასევე ინახება დავით კაკაბაძის მიერ შექმნილი აფიშა სპექტაკლისთვის „გუშინდელნი“.
აღნიშნული ესკიზები 2008 წელს აღმოაჩინეს მესხიშვილის თეატრის არქივში. ნახატებს რესტავრაცია საქართველოს ეროვნულ არქივში ჩაუტარდა.