If you do enjoy me publishing a weekly poem at the beginning of every week and a livestream on my facebook page discussing the poem, please consider becoming one of my patrons on Patreon. Your support (starting from as little as $2 per month) means a lot for me and helps me produce more such works of literature.

(1) ܐܝ݂ܬ ܬܠܵܬܵܐ ܐܵܕܫܹ̈ܐ ܕܲܡܫܲܒܠܵܢܹ̈ܐ

ܚܲܕ ܡܢܲܒܸܠ ܠܦܘ݂ܪܩܵܢܵܐ

ܚܲܕ ܠܛܘ݂ܠܩܵܢܵܐ

ܘܗ̇ܘ ܐ݇ܚܲܪܵܝܵܐ

.ܠܲܝܬ ܠܹܗ ܦܘ݂ܣܩܵܢܵܐ

ܐܝ݂ܬ ܚܕܵܐ ܐܘ݂ܪܚܵܐ

(2) ܒܲܚܕܵܐ ܦܵܠܫܲܬ ܐܘ݂ܪ̈ܚܵܬܵܐ

(3) ܚܕܵܐ ܦܵܪܩܵܐ ܒܲܡܬܘܿܡܵܝܘ݂ܬܵܐ

ܘܗ̇ܝ ܐ݇ܚܪܹܬܵܐ

.ܠܓܵܘ ܙܘ݂ܒ̣ܠܬܵܐ ܕܬܲܫܥܝ݂ܬܵܐ

ܐܝ݂ܬ ܐܲܪܒܥܵܐ ܙܢܲܝ̈ܵܐ (4) ܕܐ݇ܢܵܫܹ̈ܐ

(5) ܚܲܕ ܒܚܵܙܹܝܬ ܠܹܗ ܡܗܲܕܝܵܢܵܐ

(6) ܚܲܕ ܬܵܒ̣ܘܿܥܵܐ

(7) ܚܲܕ ܡܐܲܦܬܵܢܵܐ

ܘܚܲܕ ܣܲܓܝ݂ܐܘ݂ܬܵܐ ܝܠܵܗ̇

ܕܢܵܬܹܦ (8) ܠܵܗ̇ ܟܠ ܕܝ݂ܠܹܗ

.ܩܵܠܹܗ ܛܵܒ̣ ܪܲܡܵܢܵܐ

ܐܝ݂ܬ ܬܠܵܬܵܐ ܦܸܨܠܹ̈ܐ ܕܥܲܡܡܹ̈ܐ

،ܥܲܡܡܹ̈ܐ ܛܠܝ݂ܡܹ̈ܐ

(9) ܥܲܡܡܹ̈ܐ ܛܵܠܘܿܡܹ̈ܐ

ܘܥܲܡܡܹ̈ܐ ܚܹܐܪܹ̈ܐ

(10) ܕܲܡܝܲܩܪܝ݂ ܚܪܘܼܪܹ̈ܐ

ܕܟܠ ܥܲܡܵܐ ܕܗܵܘܹܐ

.ܐܲܝܟ̣ ܚܪܘܼܪ̈ܲܝܗܝ

ܚܘ݂ܪ ܒܐܲܝܵܐ ܐܘ݂ܡܬܲܢ

،ܚܘ݂ܪ ܒܵܗ̇ ܛܵܒ̣ܵܐ

ܐܵܪܵܐ ܐܝ݂ܬ ܒܵܗ̇ ܡܫܲܒܠܵܢܹ̈ܐ

ܘܐܸܢ ܐܝ݂ܬ

ܐܲܝܟܵܐ ܝܠܲܝܗܝ ܩܵܬܲܢ ܡܢܲܒܠܵܢܹܐ؛

ܘܲܟܡܵܐ ܡܸܢܲܝܗܝ ܡ̣ܢ ܚܠܵܦ ܡܫܲܡܗܘ݂ܬܵܐ ܟܪܝ݂ܗܬܵܐ (11) ܘܲܟܪܝ݂ܬܵܐ

(12) ܕܦܵܪܩܵܐ ܒܣܘ݂ܠܐܵܢܹ̈ܐ

ܡܓܲܒܝ݂ ܠܲܡܬܘܿܡܵܝܘ݂ܬܵܐ، ܘܥܵܒ̣ܪܝ݂ ܠܵܗ̇

(13) ܒܨܲܕܪܵܐ ܦܬܘܿܚܵܐ ܕܐܸܢܲܚܢܵܝܘ݂ܬܵܐ؟

ܐܵܪܵܐ ܐܝ݂ܡܵܢ ܕܡܵܛܝܵܐ ܥܸܕܵܢܵܐ

ܟܡܵܐ ܡܸܢܲܢ

ܠܵܐ ܬܵܒ̣ܥܝ݂ ܠܩܵܠܵܐ ܕܕܵܗܘܿܠܵܐ ܣܦܝ݂ܩܵܐ

ܐܝ݂ܢܵܐ ܠܲܡܗܲܕܝܵܢܵܐ

ܕܲܡܫܘܿܠܚܵܐ ܠܹܗ ܐܵܢܵܐ

ܡܸܛܠ ܐܲܚܢܲܢ؟

ܘܐܸܢ ܗܵܘܹܝܚ ܗܘܵܐ ܚܹܐܪܹ̈ܐ

ܐܵܪܵܐ ܒܗܵܘܹܝܚ ܗܘܵܐ ܛܵܠܘܿܡܹ̈ܐ

ܐܵܦܸܢ ܕܝܼܘܸܚ ܗܘܵܐ ܛܠܝ݂ܡܹ̈ܐ

ܘܒܸܕ ܚܵܙܹܝܚ ܠܹܗ

(14) ܫܘ݂ܓ̣ܠܵܐ ܕܡܘ݂ܡܹ̈ܐ

ܐܸܢ ܠܵܐ ܡܝܲܩܪܸܚ ܚܪܘܿܪܹ̈ܐ

ܕܟܠܲܝܗܝ ܥܲܡܡܹ̈ܐ ܫܲܘܝܵܐܝ݂ܬ؟

ܐܵܪܵܐ ܐܝ݂ܬ

ܒܲܢ ܩܲܛܝ݂ܢܹ̈ܐ

ܕܦܵܪܫܝ݂ ܠܐܲܢܲܝ ܦܘ݂ܪ̈ܫܵܢܹܐ ܩܲܛܝ݂ܢܹ̈ܐ؟

ܐ݇ܡܝ݂ܪ ܠܹܗ ܓܸܠܝܵܢܵܐ ܕܓܵܘܝ݂

ܚܕܵܐ ܫܲܢ݇ܬܵܐ ܡ̣ܢ ܩܕܵܡ ܐܸܕܝܘܿܡ

ܥܲܡܲܢ ܡܘܿܚܙܹܐ ܠܹܗ

(15) ܒܲܚܕܵܐ ܬܲܓܠܝ݂ܬܵܐ

ܕܦܝ݂ܫ ܠܵܗ̇ ܡܘܿܟܠܝܼܬܵܐ

ܕܩܲܛܝ݂ܢܹ̈ܐ ܫܪܵܪܵܐ ܝܠܲܝܗܝ

.ܒܸܕ ܐܵܬܝ݂

ܐܲܝܵܐ ܡܫܘܼܚܬܵܐ ܦܪܝܼܣܬܵܐ ܝܠܵܗ݁ ܒܟܘܼܢܵܫ ܡܘܼܫ̈ܚܵܬܝܼ ܕܬܠܵܬܝܼ ܢܝܼܣܵܢܹ̈ܐ ܘܚܲܕ ܬܸܫܪܝܼ، ܡܵܨܝܼܬܘܿܢ ܕܙܵܒ̣ܢܝܼܬܘܿܢ ܠܹܗ ܐܵܗܵܐ ܟܘܼܢܵܫ ܡܘܼܫ̈ܚܵܬܵܐ ܡ̣ܢ ܠܐܲܟ̣ܵܐ

1. Type of leaders 2. Crossroads 3. Immortality 4. Types 5. Leader 6. Follower 7. Opportunist 8. Attracts 9. Oppressing 10. Freedoms 11. Sick 12. Rubbish/Refusal 13. Altruism 14. Shame 15. Demonstration