ეს პატარა ქარხანა სოხუმში ხუთი წლის წინ გაიხსნა. მხატვრები და მინის მბერავები ნაძვის ხის სათამაშოებს აქ ხელით ამზადებენ.
მას შემდეგ, რაც მინის მბერავი ნაძვის ხის სათამაშოს დაბერავს, მას სხვა ცეხში გზავნიან; იქ აგრილებენ და ღებავენ.
შემდეგ მომავალი საახალწლო ბურთების მოხატვასა და მორთვას იწყებენ. ეს მომავალი - მოსართავებია.
ასიდას უჩვეულო ისტორია აქვს. ის პროფესიით გერმანულის მასწავლებელია. ფაბრიკაში ბავშვებისთვის სათამაშოების შესაკვეთად მივიდა, შემდეგ კი ნაძვის ხის სათამაშოებზე მუშაობის პროცესმა იმდენად დააინტერესა, რომ აქ დარჩენა გადაწყვიტა.
„მე თვითნასწავლი ვარ და ყველაფერი მუშაობის პროცესში ვისწავლე, - ამბობს ასიდა, - ორი შვილის დედა ვარ, და გარკვეულ უნარებს უკვე ვფლობდი. ბავშვებთან ერთად ხშირად ვამზადებდი ხელით რაღაცებს“
„ჩემი პროფესია ძალიან მომწონს, მიუხედავად იმისა, რომ აქედან გასულები თავად ახალი წლის სათამაშოებს ვგავართ ხოლმე - სანამ ჩამოვიბანთ, მთლიანად ვბრჭყვიალებთ“, - ჰყვება ასიდა.
ამ მინი-ცეხში, საახალწლო სათამაშოების გარდა, ნაბეჭდი ფოტოებიანი ბალიშები, მაისურები, სანთლები და ბევრი სხვა რამ იყიდება. ფაბრიკის დირექტორის დაურ გუმბას თქმით, ეს ფრიად რენტაბელური ბიზნესია. დაურ გუმბა პროფესიით ისტორიკოსი აღმოჩნდა.
„ერთს გეტყვით, რომ კომბოსტოს მოყვანაც კი სარფიანია, მაგრამ ყველაფერს ბევრი შრომა სჭირდება. ზოგიერთი სათამაშოების წარმოების დაწყებას აპირებს, ჩარხებს ყიდულობენ - ნახევრი წლის შემდეგ კი ჩემთან მოდიან და მთელი თავიანთი ტექნიკის შესყიდვას მთავაზობენ. ჩარხი ხომ სულელური რკინის გროვაა, თუკი ადამიანს არ სურს ან არ იცის რაიმეს კეთება“, - ამბობს დაური.
სუვენირული ბურთები დროშის ან გერბის გამოსახულებით მეტ დროს მოითხოვს, და ამიტომ უფრო ძვირი ღირს - დაახლოებით $12.
ეს კი ხელოსნების სავიზიტო ბარათია - ბურთი, რომელზეც აფხაზი თოვლის ბაბუაა გამოსახული.
Credits:
სტელა ადლეიბა, JAMnews