اليوم (31) من الزمن الأربعيني الأربعاء 5-4-2017

طبيعتي البشريّة بتوقف بطريقي وما بطبّق كلام ربنا بكثير من الأحيان مع إنه جواي شغف .. ما بقبل أنهان وهاي ردة فعل طبيعيّة لأي إنسان .. بعرف ومدركة إنهم أهانوك وتفو عليك وتمسخروا عليك وإنت سامحتهم لما طلبت إنه الآب يغفرلهم .. بس أنا كإنسان ما عم بقدر أغفر للي أساء إلي بسهولة وبنصدم وبحس كم أنا شخص مكروه ومو مرغوب فيه وإلي بصير معي وحولي حولني لشخص قاسي وخايف الكره والحقد يصيرلهم محل بقلبي .. بحاول أغفر وأسامح بس ما عم بوصل المسامحة الكاملة وفي ألم جواي بضل يحرضني ما أقبل أي إهانة ... الي بعطيني قوة إنك فاهمني وفاهم احتياجاتي. بالمقابل لما أغلط بعتذر وما بخجل أحكي كلمة آسف وأطلب السماح

اليوم صفنت بإنه الحياة بلحظة ممكن تروح وإنه ما بحقلي أتقدم للمناولة وأنا على زعل مع شخص.

طبيعتي البشريّة لازم تبادر مع الآخر إلي ما فهمني وإلي ما بحبني حتى لو لقيت صد ورفض وهالأمر صعب جداً وبستهلك مني مجهود كبير.

يا رب إنت خلقتني وعارفني مدلي إيدك وطبطب علي وساعدني أصالح وأسامح وأقبل عدم قبول الآخر وعدم محبته إلي ... معك يا رب بتجاوز الصعاب وبفهم كلامك.

صلي بيت مسبحة على نية تريدها

سامح الاخر

Credits:

Shabebh Online شبيبة أونلاين

Report Abuse

If you feel that this video content violates the Adobe Terms of Use, you may report this content by filling out this quick form.

To report a Copyright Violation, please follow Section 17 in the Terms of Use.