Loading

#allir í gallana lEIKSKRÁ mfl. VÖLSUNGS OG GRÆNA HERSINS

VS

Mfl. kvenna í knattspyrnu 2. deild / 2021

VÖLSUNGUR vs KH

MÁNUDAGINN 24. MAÍ

KL. 15:00

VODAFONEVÖLLURINN Á HÚSAVÍK

Áhorfendur koma við tjaldsvæðið. Klósett verða á tjaldsvæðinu. Allir sem fara útúr bíl þurfa að gefa upp kennitölu, nafn og símanúmer.

Grímuskylda í brekkunni.

ÁRSMIÐAKORT MEISTARAFLOKKA VÖLSUNGS

Aðeins kr. 20.000 og gildir á alla heimaleiki í Íslandsmótum meistaraflokka Völsungs í knattspyrnu

Sögunefnd Völsungs

Sögunefnd Völsungs er stöðugt að undirbúa 100 ára afmæli félagsins. Nú vill nefndin leita til íbúa á Húsavík og félagsmanna og kanna hvort einhverstaðar leynist áhugavert efni s.s myndir, myndbönd, texti, leikskrár, búningar eða aðrir munir sem tengjast sögu félagsins sem gætu nýst við ritun á sögu félagsins.

Það skiptir sögu félagsins miklu máli að fá eins mikið efni og heimildir úr starfi félagsins. Sögunefndin leggur áherslu á að þetta efni glatist ekki og óskar eftir að fá það í sínar hendur til varðveislu.

Hægt er að koma með efni á skrifstofu félagsins í vallarhúsinu eða vera í sambandi við Ingólf Freysson sem fer fyrir sögunefnd félagsins.

Með ósk um góðar móttökur og samstarf í þessu skemmtilega verkefni sem Sögunefndin stendur í.

Auglýsing frá Barna-og unglingaráði.

Barna-og unglingaráð óskar eftir áhugasömu fólki í mótsráð Curio mótsins í ár. Margar hendur vinna létt verk. Curio mótið er haldið aðra af tveim síðustu helgunum í ágúst ár hvert. Mótið er mikilvægur þáttur í starfi yngri flokka Völsungs og skemmtilegur endapunktur á sumarstarfinu hjá yngstu flokkunum.

Áhugasamir hafi samband á volsungur@volsungur.is eða joi@volsungur.is

Áfram Völsungur!

Gleðilegt fótboltasumar!

Við erum Völsungur!

ÞJÁLFARAR SUMARIÐ 2021

Mfl. kk. - Jóhann Kristinn Gunnarsson (UEFA A ) / Mfl. kvk. - Aðalsteinn J. Friðriksson (UEFA A)

3.fl. kk - Jónas Halldór Friðriksson (UEFA B), / 3.fl. kvk. - Aðalsteinn J. Friðriksson (UEFA A)

4.fl. kk - Guðmundur Óli Steingrímsson (UEFA B) / 4.fl. kvk. - Óskar Páll Davíðsson (KSÍ III)

5.fl. kk - Aðalsteinn Jóhann Friðriksson (UEFA A) / 5. fl. kvk. - Sarah Elnicky/KristínKjartansdóttir (KSÍ I1)

6.fl. kk. - Guðmundur Óli Steingrímsson (UEFA B) / 6.fl. kvk. Sarah Elnicky/Kristín Kjartans (KSÍ II)

7. fl. kk. - Óskar Páll Davíðsson (KSÍ III) / 7. fl. kvk / Sarah Elnicky/Kristín Kjartans (KSÍ II)

8. fl. - Stefán Óli, Ísak og Kristín Kjartans

Styrktarþjálfun: Jóna Birna Óskarsdóttir / Markmannsþjálfun: - Stefán Óli Hallgrímsson

Aðstoðarþjálfarar: Stantiago Feuillassier / Berta María Björnsdóttir / Tryggvi Grani Jóhannsson / Óskar Páll Davíðsson

Yfirmaður knattspyrnumála: Jóhann Kristinn Gunnarsson (UEFA A)

Áfram Völsungur!

Réttsælis frá vestri, Árdís Rún Þráinsdóttir, Krista Eik Harðardóttir, Jóna Björg Jónsdóttir, Guðrún Þóra Geirsdóttir, Marta Sóley Sigmarsdóttir, Hildur Anna Brynjarsdóttir og Elfa Mjöll Jónsdóttir. - mynd/Hafþór

NÆSTI LEIKUR vs. KH

ANDSTÆÐINGURINN ER KH - Endurvakið lið sem ætlað er að veita ungum og efnilegum leikmönnum á Hlíðarendi sín fyrstu tækifæri með meistaraflokk. Er þeim spáð 3ja sætið en okkar liði því 4ja. Er þetta því nokkurs konar 6 stiga leikur ef tekið er mið af þeirri spá. Eða bara leikur um 3 stig.

Í fyrstu umferð unnu þær lið Hamars 7-0 sem segir ýmislegt um styrkleik þeirra þar sem leikmannahópurinn var í þeim leik leikmenn fæddir 2004 - 2006.

Talandi um Hlíðarenda og Val

Stórleikur á Vodafonevellinum á Húsavík er Völsungur mætir Pepsideildarliði Vals - 1. júní kl. 18:00 í 16-liða úrslitum í Mjólkurbikarkeppni kvenna.

Fyrsti leikur mfl. kvenna var útileikur gegn SR og vannst hann 2- 1

Takið daginn frá fyrir þennan stórleik - þetta er stórt verkefni hjá ungum leikmönnum Völsungs.

Völsungur vann Hamrana í 32 úrslitum sl. mánudag í Boganum á Akureyri í hörkuleik sem fór í framlengingu eftir að Krista Eik jafnaði leikinn í 2 - 2 á síðustu mínútu venjulegs leiktíma. Marta Sóley tryggði svo farseðilinn í 16 liða úrslitin og leik við Val, stórleik við Val með marki á 118 mín.

Fyrsti leikur í íslandsmóti var gegn SR og vannst hann 2 - 1.

Hægt er að skoða leikskýrslu á vef KSÍ hér í hlekki að neðan

Boltinn á Norðurlandi - fróðlegt hlaðvarp um boltann á norðurlandi á fótbolti.net ásamt fleirum áhugaverðum hlaðvörpum um boltann.

Ástríðan er einnig hlaðvarp hjá fótbolta.net um neðri deildir - fín umfjöllun þar.

Heimavöllurinn enn eitt hlaðvarpið á fótbolti.net og fjallar um íslandsmót kvenna

YNGRI FLOKKA STARF

6. fl. kvk. Völsungs 2021

Fréttir af facebooksíðu yngri flokka Völsungs.

Boltinn rúllar ekki bara hjá meistaraflokkum Völsungs heldur eru yngri flokkarnir farnir af stað í sumarverkefnum sínum.

Annar flokkur karla hélt austur og lék þar við sameinað lið Austurlands í bikarkeppninni á miðvikudaginn í síðustu viku og vann þar glæsilegan 3-0 sigur.

Þriðji flokkur kvenna fékk sameinað lið Austurlands í heimsókn í fyrsta leik Íslandsmótsins sem lyktaði með jafntefli. Svekkjandi enda ýttu okkar stelpur duglega í restina á gestina en allt kom fyrir ekki og urðu liðin að sættast á jafnan hlut.

Þriðji flokkur drengja hélt suður um helgina og lék tvo leiki. Annars vegar gegn ÍR og hinsvegar Grindavík. Þó báðir leikir hafi tapast að þessu sinni verður að horfa björtum augum til næstu leikja þar sem stígandinn var mjög góður í liðinu og sárgrætilegt að tapa t.d. seinni leiknum með aðeins einu marki þar sem okkar menn stjórnuðu ferðinni stórum hluta leiks.

Fjórði flokkur kvenna heimsótti KF/Dalvík og enduðu leikar þar með jafntefli í baráttuleik þar sem heimastúlkur komust yfir á 25.mín og okkar stelpur jöfnuðu aðeins fjórum mínútum seinna og þar við sat.

5.flokkur drengja hélt á sunnudaginn austur á Neskaupsstað og lék sína fyrstu leiki Íslandsmótsins gegn Fjarðabyggð/Leikni. Sigur og tap í þeim leikjum en strákarnir stóðu sig víst með prýði.

5.flokkur stúlkna fékk aftur á móti sameinað lið Fjarðabyggðar/Leiknis í heimsókn sama dag og stóðu sig alveg frábærlega. Sigur og jafntefli varð niðurstaðan og gaman að sjá stelpurnar spila góða leiki.

6.flokkur drengja hélt á laugardaginn til Akureyrar og tók þar þátt í Stefnumóti KA. Drengirnir léku við hvurn sinn fingur og vöktu athygli fyrir góða leiki. Stóðu sig frábærlega og margir góðir sigrar unnir á mótinu.

6.flokkur stúlkna fékk sama dag í heimsókn KA, Þór og Hött frá Egilsstöðum og var slegið upp litlu æfingamóti á gervigrasvellinum. Leikið var í 5 manna liðum og tefldu Völsungar fram tveimur liðum. Okkar stelpur stóðu sig frábærlega og gaman að sjá framfarirnar hjá þeim.

Framundan eru mót hjá 8.flokki um næstu helgi og svo rúllar Íslandsmótið og bikarkeppnin áfram hjá flokkunum.

Hér að neðan eru tenglar á vef KSÍ þar sem finna má úrslit og leikskýrslur yngri flokka sem Völsungur sendir til leiks þetta sumarið

DRAUMALIÐSDEILD VÖLSUNGS​

Í ár ætlar Græni Herinn að halda úti draumaliðsdeild í Fantasy leik fotbolta. net og Eyjabita. Skráningargjald er 2.000 kr og verða vinningar fyrir stigahæsta spilarann í hverjum mánuði ásamt því verða bónusumferðir hér og þar á tímabilinu. Að lokum verður síðan veglegur vinningur fyrir þann sem stendur á toppi deildarinnar í lok tímabils.

Þessi deild er liður í fjáröflun knattspyrnuráða Völsungs og því kjörið tækifæri til þess að gera leikina í Pepsi Max deildinni í sumar skemmtilegri og styðja við okkar félag.

Greiða skal með því að leggja inn á reikning:​ 0192-26-228 kt:​ 461094-2289 og þegar því er lokið verður kóði sendur á viðkomandi aðila til að ganga í deildina.

ALLIR Í GALLANA!!!

BAKLAND VÖLSUNGS

Hér geta Völsungar nær og fjær - ekki síst brottfluttir með félagshjartað á réttum stað - ákveðið að styðja við félagsstarfið með mánaðarlegum framlögum til knattspyrnudeildar Völsungs. Völsungur varð á dögunum 90 ára og heldur sem fyrr úti metnaðarfullu starfi. Meðal þess að félagið gerir nú fyrir stuðningsmenn er að sýna alla heimaleiki meistaraflokkanna beint á netinu í gegnum Volsungur TV rásina á Youtube.

Við hvetjum þig til að verða hluti af baklandinu til að styrkja stoðir mikilvægs félagsstarfs Völsungs.

Áfram Völsungur!

Hér skráið þið ykkur fyrir mánaðarlegri áskrift, upp á 2.000 krónur.

Hér skráið þið ykkur fyrir mánaðarlegri áskrift, upp á 10.000 krónur.

  • #völsungur
  • #graeniherinn
  • #allirígallana
  • #húsavík

Allir í gallana

STJÓRNIR OG RÁÐ

Meistaraflokkur karla:

  • Ingvar Björn Guðlaugsson
  • Stefán Jón Sigurgeirsson
  • Hafþór Mar Aðalgeirsson
  • Ármann Örn Gunnlaugsson.

Meistaraflokkur kvenna:

  • Lilja Friðriksdóttir
  • Anna Björg Leifsdóttir
  • Guðrún Sædís Harðardóttir
  • Bergdís Björk Jóhannsdóttir
  • Guðrún María Guðnadóttir

Barna- og unglingaráð:

  • Linda Hrönn Arnþórsdóttir
  • Guðrún Þórhildur Emilsdóttir
  • Kristjana Lilja Einarsdóttir
  • Ragnar Hermansson

Fjölmiðlateymi:

  • Röðull Reyr Kárason
  • Ófeigur Óskar Stefánsson
  • Ólafur Freyr Jónasson
  • Magnús Máni Sigurgeirsson

Við ætlum okkur sigur

Created By
Græni Herinn
Appreciate